ప్రమాదాలను అరికట్టడంలో వాహనదారులు భద్రతా నియమాలను పాటించాలి
గుండాల ఎస్ఐ రాజశేఖర్
గుండాల(భద్రాద్రికొత్తగూడెం జిల్లా),నేటిధాత్రి :
రోడ్డు ప్రమాదాలను నివారించడంలో భాగంగా గుండాల ఎస్ఐ కిన్నెర రాజశేఖర్ ఆధ్వర్యంలో వాహనదారులకు అవగాహనా కార్యక్రమాలు నిర్వహించారు.ముఖ్యంగా ట్రాక్టర్ల యజమానులు ట్రక్కుల వెనుక భాగాన రేడియం స్టిక్కర్లను అంటించి వెనుక నుండి వచ్చే వాహనదారులకు కనిపించే విదంగా ఏర్పాటు చేసుకోవాలని తెలిపారు.మితిమీరిన వేగంతో వాహనాలను నడుపుతూ సామాన్య ప్రజానీకానికి ఇబ్బందులు కలిగించే విధంగా ప్రవర్తించే ఆకతాయిలపై కఠిన చర్యలు తీసుకుంటామన్నారు.ట్రాఫిక్ నియమాలను ఉల్లంఘిస్తూ నిర్లక్ష్యంగా వాహనాలు నడిపితే కఠిన చర్యలు తీసుకోవడం జరుగుతుందని హెచ్చరించారు.రోడ్డు ప్రమాదాలను అరికట్టడంలో భాగంగా గుండాల పోలీసులు తీసుకునే చర్యలను ప్రజలంతా సహకరించాలని తెలిపారు.
