చందుర్తి, నేటిధాత్రి:
చందుర్తి మండల కేంద్రంలోని నవత ఇంగ్లీష్ మీడియం పాఠశాలలో మంగళవారం ముందస్తు బతుకమ్మ వేడుకలను అంగరంగ వైభవంగా నిర్వహించారు. బతుకమ్మకు సంబరాలలో భాగంగా విద్యార్థులు వివిధ రకాల పూలతో బతుకమ్మలను పేర్చి ఆటపాటలతో అలరించారు. అనంతరం ‘పోయిరా గౌరమ్మ పోయిరావమ్మా అంటూ’ గౌరమ్మ పాటలతో బతుకమ్మను నీటిలో నిమజ్జనం చేశారు.ఈ సందర్భంగా పాఠశాల కరస్పాండెంట్ పత్తిపాక నాగరాజు మాట్లాడుతూ తెలంగాణ సంస్కృతి సంప్రదాయాలలో గొప్పదైన బతుకమ్మ వేడుకలు పాఠశాలలో నిర్వహించడం సంతోషకరమని అన్నారు. సాధారణంగా పూలతో దేవుళ్ళని పూజిస్తూ ఉంటారు కానీ పూలనే దేవుళ్ళుగా పూజించే గొప్ప సాంస్కృతి తెలంగాణ ప్రజలదని, పాఠశాలలో విద్యార్థులు బతుకమ్మలను తయారుచేసి వేడుకలు నిర్వహించడం వల్ల చిన్ననాటి నుండే పిల్లలకి మన పండగల పట్ల అవగాహన ఏర్పడుతుందని అన్నారు.ఈ కార్యక్రమంలో పాఠశాల అధ్యాపక బృందం పాల్గొన్నారు.