చలికాలంలో కాలుష్య స్థాయిలను తగ్గించే కార్యాచరణ ప్రణాళికలో భాగంగా రాజధానిలో అన్ని రకాల బాణాసంచా తయారీ, అమ్మకం, నిల్వ మరియు వినియోగంపై మళ్లీ నిషేధం విధించాలని ఢిల్లీ ప్రభుత్వం నిర్ణయించినట్లు పర్యావరణ మంత్రి గోపాల్ రాయ్ సోమవారం తెలిపారు.
ఇక్కడ విలేకరుల సమావేశంలో ఆయన మాట్లాడుతూ, నగరంలో నిషేధాన్ని అమలు చేయడానికి ఢిల్లీ పోలీసులకు కఠినమైన ఆదేశాలు జారీ చేస్తామని చెప్పారు.
ఢిల్లీ ప్రభుత్వం గత మూడేళ్లుగా అన్ని రకాల పటాకులను నిషేధించే విధానాన్ని అనుసరిస్తోంది.
“గత ఐదు-ఆరేళ్లలో ఢిల్లీ గాలి నాణ్యతలో గణనీయమైన మెరుగుదలని మేము చూశాము, అయితే మేము దానిని మరింత మెరుగుపరచాలి. అందుకే ఈ ఏడాది కూడా పటాకులను నిషేధించాలని నిర్ణయించుకున్నాం’’ అని రాయ్ తెలిపారు.
నగరంలో దీపావళి రోజున పటాకులు పేల్చితే ఆరు నెలల జైలు శిక్ష, రూ.200 జరిమానా విధిస్తామని గతేడాది ప్రభుత్వం ప్రకటించింది.
