గుండాల(భద్రాద్రికొత్తగూడెం జిల్లా),నేటిధాత్రి
గుండాల మండలం శంభుని గూడెం గ్రామపంచాయతీ సర్వాపురం గ్రామంలో యువతకు గుండాల, కొమరారం పోలీస్ శాఖ ఆధ్వర్యంలో బుధవారం వాలీబాల్ కిట్లను పంపిణీ చేశారు. సీఐ రవీందర్ ఈ సందర్భంగా మాట్లాడుతూ అభివృద్ధికి యువత ముందుండాలని సంఘవిద్రోహక శక్తులకు సహకరించకుండా గ్రామాన్ని అభివృద్ధి పథంలో నడిపించాలని కోరారు. యువత భవిష్యత్తులో బాగుండాలంటే చదువుకోవాలని మధ్యానికి బానిస కాకుండా ఉండాలని చదువుతోపాటు క్రీడలు మానసిక ఉల్లాసానికి ఉత్సాహానికి దోహదపడుతుందని వివరించారు. క్రీడాకారులకు, వాలీబాల్ నెట్ బహుకరించారు. గ్రామానికి వాలీబాల్ క్రీడకు ఉపయోగపడే కిట్లను అందజేసిన పోలీసువారికి గ్రామ యువత ధన్యవాదాలు తెలిపారు.
ఈ కార్యక్రమంలో గుండాల సీఐ రవీందర్ రవీందర్, కొమరారం ఎస్సై గిరిధర్ రెడ్డి, గుండాల ఎస్సై కిన్నెర రాజశేఖర్ ,సిబ్బంది పాల్గొన్నారు.
