బీజేపీలో తార స్థాయికి చేరిన విబేధాలు

*అధికార ప్రతినిధిని స్టేజ్ పైకి పిలవని జిల్లా అధ్యక్షురాలు*

 

పొలిటికల్, నేటిధాత్రి: 

తెలంగాణ రాష్ట్రంలో బీజేపీ పార్టీ అధికారంలోకి రావడం ఖాయమని జాతీయ నాయకులు విశ్వసిస్తున్నప్పటికీ, కమలంలో జిల్లా రాష్ట్ర స్థాయి నాయకుల మధ్య ఉన్న విభేదాలు పార్టీలో చర్చనీయా అంశంగా మారాయి. ప్రజలకు చేరువై పార్టీని అధికారంలో తేవడానికి రాష్ట్ర అధ్యక్షుడు

ప్రతిష్టాత్మకంగా చేపట్టిన కార్యక్రమ సన్నాహక సమావేశంలో రాష్ట్ర అధికార ప్రతినిధిని జిల్లా అధ్యక్షురాలు స్టేజ్ పైకి పిలవకపోవడం నాయకుల మధ్య విబేధాలు తార స్థాయికి చేరాయి అనడానికి నిలువెత్తు నిదర్శనం. హన్మకొండ జిల్లా అధ్యక్షురాలు రావు పద్మ 2014 ఎన్నికలలో వరంగల్ తూర్పు నుండి ఎమ్మెల్యేగా పోటీ చేసి పరాజ్యపాలయ్యారు, 2018 ఎన్నికలలో వరంగల్ పశ్చిమ టికెట్ను ఆశించిన దక్కలేదు, ప్రస్తుతం జిల్లా అధ్యక్షురాలుగా పార్టీ బలోపేతానికి కృషి చేస్తున్నారు. బీజేపీ రాష్ట్ర అధికార ప్రతినిధి ఏనుగుల రాకేష్ రెడ్డి రాష్ట్ర రాజకీయాలతో పాటు హన్మకొండ జిల్లా రాజకీయాల్లో యాక్టివ్ గా ఉంటూ తనను నమ్ముకున్న వారికి ఎల్లవేళలా సహాయ సహకారాలు అందజేస్తూ, తనకంటూ ఒక ప్రత్యేక గుర్తింపుతో పాటు యువతలో ఫాలోయింగ్ ఉండడం జిల్లాలో తరచుగా పర్యటించడం వరంగల్ పశ్చిమలోని పలు ప్రాంతాలలో నెలకొన్న సమస్యలను లేవనెత్తడం, నాయకుల మధ్య విభేదాలకు కారణమనే చర్చ కొనసాగుతుంది. రాష్ట్రంలో ఇప్పుడిప్పుడే పుంజుకుంటున్న బీజేపీలో నాయకుల మధ్య విభేదాలు తారాస్థాయికి చేరాయినడం పార్టీకి నష్టం వాటిల్లుతుందని పార్టీ శ్రేణుల్లో చర్చనీయాంశంగా మారింది.

 

 *అధికార ప్రతినిధిని స్టేజ్ పైకి పిలవని జిల్లా అధ్యక్షురాలు*

 

బీజేపీ రాష్ట్ర అధ్యక్షులు బండి సంజయ్ చేపట్టిన ప్రజా సంగ్రామ యాత్ర హన్మకొండ, వరంగల్ జిల్లాల సన్నాహక సమావేశం గురువారం 

నిర్వహించగా, బీజేపీ రాష్ట్ర అధికార ప్రతినిధి, యాత్ర సహా ఇంచార్జ్ తుళ్ళ వీరేందర్ గౌడ్ ముఖ్యఅతిధి పాల్గొన్నారు. నాయకులతో పాటు కార్యక్రమానికి హాజరైన రాష్ట్ర అధికార ప్రతినిధి ఏనుగుల రాకేష్ రెడ్డిని హన్మకొండ జిల్లా అధ్యక్షురాలు రావు పద్మ స్టేజ్ మీదకు పిలవకపోవడం మరోసారి విభేదాలు బయటపడ్డాయి, కొద్దీ సేపు కార్యకర్తల మధ్యలో కూర్చొని రాకేష్ రెడ్డి వెళ్లిపోవడం రాష్ట్ర అధికార ప్రతినిధి, యాత్ర సహా ఇంచార్జ్ తుళ్ళ వీరేందర్ గౌడ్ విషయం పై అరా తీయడం పార్టీలో అంతర్గతంగా ఏం జరుగుతుందనే చర్చ నాయకులలో కొనసాగుతుంది. పార్టీ అధిష్టానం నాయకులు మధ్యలో సమన్వయం కొరకు ఏం చర్యలు చేపడుతుందో వేచి చూడాల్సి ఉంది.