‘సిటీ మహిళా డిగ్రీ కళాశాల’ తీరే సపరేటు
హనుమకొండ పొద్దుటూరి కాంప్లెక్స్లో నిర్వహించబడుతున్న ‘ సిటీ మహిళా డిగ్రీ కళాశాల’ యాజమాన్యం తీరే సపరేటుగా ఉంది. ఇరుకైన ప్రదేశంలో కాలేజీ నిర్వహిస్తూ అన్ని సౌకర్యాలు ఉన్నట్లుగా ప్రచారం చేస్తూ యాజమాన్యం విద్యార్థులను ప్రలోభాలకు గురి చేస్తుంది. అన్ని రకాల వసతులున్నాయంటూ గ్రామీణ ప్రాంత విద్యార్థులకు, తల్లిదండ్రులకు నమ్మబలికి అడ్మిషన్ల ప్రక్రియను కొనసాగిస్తుంది. సౌకర్యాల గురించి ఎవరైనా మాట్లాడితే మాకు అందరూ తెలుసు, ప్రజాప్రతినిధులు, అధికారులు మా పక్షమే ఉన్నారు అంటూ యాజమాన్యం దబాయిస్తుంది. పత్రిక కథనాలు రాస్తే వారి పై స్థాయి వారికి ఫిర్యాదు చేసి మేనేజ్ చేసుకొని అసలు నిజాలు రాసే విలేఖరులనే తప్పుపటే విధంగా యాజమాన్యం వ్యవహరించటం చర్చానీయాంగా మారింది. మరో వైపు సిటీ మహిళా డిగ్రీ కళాశాల నిర్వహణ తీరుపై విద్యార్థి సంఘాలు ఆందోళన చెందుతుంటే కళాశాల యాజమాన్యం సక్రమంగానే ఉన్నాయంటూ విద్యార్థులను ప్రలోభాలకు గురిచేస్తుంది. కొంతమంది విద్యార్థులు యాజమాన్యం ప్రలోభాలకు గురైతే మరికొంత మంది విద్యార్థులు, తల్లిదండ్రులు కళాశాలల నిర్వహణ తీరును పరిశీలించి ప్రవేశాలు పొందడానికి జంకుతుండటం గమనార్హం. ఫైర్ సేప్టీ లేకున్న, కనీసం మంచినీటి సౌకర్యం లేనటుంటి కమర్షియల్ కాంప్లెక్స్లో మహిళా డిగ్రీ కళాశాల నిర్వహించటానికి అధికారులు సైతం ఎలా పర్మిషన్ ఇచ్చారో వారికే తేలియాలని పలువురు వాఖ్యానిస్తున్నారు. పార్కింగ్ స్థలం, గ్రౌండ్ లేకుండా ఇరుకైన ప్రదేశమైన కాంప్లెక్స్లో కళాశాల నిర్వహిస్తుంటే అధికారులు గుమ్మనకుండా ఉండటం పట్ల విమర్శలు వ్యక్తమవుతున్నాయి. అసలు కళాశాలకు పర్మిషన్ ఏ పత్రిపాధికన ఇచ్చారనే ప్రశ్నలు ఉత్పన్నమవుతున్నాయి. సరైన ల్యాబ్ సౌకర్యం, లైబ్రరీ, మంచినీటి వసతి, మూత్రశాలలు, టాయిలెట్లు తదితర సౌకర్యాలు లేకుండా కమర్షియల్ కాంప్లెక్స్ లో కళాశాలను నిర్వహించటం విద్యావ్యాపారానికి నిలువెత్తు సాక్ష్యంగా ఉందనేది గమనార్హం. అధికారుల అండతోనే కళాశాల యాజమాన్యం ఇష్టానుసారంగా వ్యవహరిస్తోందని విద్యార్థి సంఘాలు ఆరోపిస్తున్నాయి. ఇప్పటికైనా అధికారులు స్పందించి కమర్షియల్ కాంప్లెక్స్ లోని సిటీ మహిళా డిగ్రీ కళాశాల నిర్వహణ తీరు పట్ల తక్షణమే చర్యలు తీసుకోవాలని విద్యార్థి సంఘాలు డిమాండ్ చేస్తున్నాయి.
పర్మిషన్లు కాగితాలకే పరిమితమా…!
హన్మకొండ ప్రొద్దుటూరి కాంప్లెక్స్లో నిర్వహించబడుతున్న ‘ సిటి మహిళా డిగ్రీ కాలేజీ’ పర్మిషన్లు అన్ని కాగితాలకే పరిమితంగా ఉన్నట్లు తెలుస్తోంది. ఉన్నతాధికారులకు లేనివి ఉన్నట్లుగా చూపించి పక్కదారి పట్టించారనే అనుమానాలు వ్యక్తమవుతున్నాయి. సౌకర్యాలు లేవనేది స్పష్టంగా కనిపిస్తున్నప్పటికీ అధికారులు పర్మిషన్లు ఎలా ఇచ్చారనే ప్రశ్నలు ఉత్పన్నమవుతున్నాయి. కాంప్లెక్స్ మొత్తానికి సరిపడనటువంటి తక్కువ మోతాదు కల బోర్ మాత్రమే కాంప్లెక్స్లో ఉంది. దీనిని బట్టి కనీస నీటి వసతి లేదనేది స్సష్టమవుతుంది. ఇక కనీసం పార్కింగ్ స్ళలం లేదనేది కాంప్లెక్స్ తెలిసిన వారికేవరికైనా బోదపడే అంశమే. మరో వైపు కళాశాల నిర్వహణలో భాగంగా ఎకరం గ్రౌండ్ తప్పని సరి అనేది నిబంధన కానీ కాలేజీ నిర్వహించే కాంప్లెక్స్లో గ్రౌండ్ ఎక్కడుందో, పార్కింగ్ స్థలం ఎక్కడుందో పర్మిషన్ ఇచ్చిన అధికారులకు, కాలేజీ నిర్వహించే యాజమాన్యానికే తేలియాలి. ఏదిఏమైనప్పటికీ సిటీ మహిళా డిగ్రీ కాలేజీ నిర్వహణ పట్ల ఉన్నతాధికారులు తక్షణమే చర్యలు చేపట్టాల్సి ఉంది.